واکھ تہ وژن


واکھ تہ شروکۍ چھہِ سانہِ روایتی شاعری ہنز سۅ شعرہ ذاتھ یۅس نہ سازس کھٲلتھ گیونہ ٲس یوان۔ یم شعرہ ذٲژ سازس پیٹھ گیونہ یوان چھیہ تمن منز چھیہ تاکیدچ سیٹھا کم گنجایش آسان۔ مثلا وژن۔ وژنک تہ واکھک اگر کانہہ بوڈ امتیاز چھہ سہ چھہ یۅہے زِ اکھ چھہ سازس پیٹھ گیونک چیز تہ بیاکھ چھہ نہ۔ واکھ تہ شروکۍ چھہِ اکس خاص طرزس منز (الاپ چہ چالہِ) ادا کرنہ یوان یتھ تاکیدی طرز ادا ونو۔ یمن ہند وزن چھہ بذاتی ہیجلۍ مگر طرز ادا چھکھ تاکیدی۔ تاکید چھیہ نہ کاشرس منز لسانی یا عروضی بلکہ واکھ تہ شروکۍ ادا کرنک (اکثر وعظ بنٲوتھ) اکھ خاص طرز۔

واکھ مانس کۅل اکۅل نا اتے
ژھۅپہ مدرِ اتہِ نا پرویش
روزان شو شکھتھ نا اتے
وۅتہِ یے کنہہ تہ سے ۅوپدیش

یہ ما چھہ سازس پیٹھ گیونک چیز!

دویم کتھ چھیہ یہ زِ سازس پیٹھ گیونہ خاطرہ چھہ ضروری زِ بٲتس گژھہِ رژھ کھنڈ زیچھر آسن۔ ژور مصرعہ صنف یتھ منز رباعی تہِ یوان چھیہ چھہ نہ سازس پیٹھ گیونہ خاطرہ انفرادی طور مناسب۔ اکثر گیون والۍ چھہ بٲتھ برونہہ رباعی تہِ اکس خاص اندازس منز محدود ساز وٲیتھ گیوان۔ خالص رباعی پیٹھ چھہ نہ گیون ممکن۔

اگر وزنہ یا لیہ کنۍ تہِ واکھس تہ وژنس درمیان کانہہ فرق چھیہ نہ، موضوع کہ اعتبارہ تہِ زیادہ فرق چھیہ نہ، صرف چھیہ یہ فرق روزان زِ واکھ چھہ ژۅن مصرعن ہند (مٲنۍ تو، وژنک اکھ بند) تہ وژن چھہ واریاہن بندن پیٹھ مشتمل، تیلہِ چھیہ اکھ اہم فرق یہند طرز ادا ، یتھ کن میہ پیٹھہ کنہ اشارہ کور۔

واکھ تہ وژن” پر 2 تبصرے

    1. دراصل یمہ گیونچ بہ کتھ کران چھس، سہ گوو سازس پیٹھ کھٲلتھ گیون یتھہ پاٹھۍ وژن پتھ وتھ گیونہ اوس یوان۔ واکھ یا شروکۍ ٲسۍ نہ تمہِ چالہِ گیونہ یوان، تم ٲسۍ اکس خاص لیہ منز (بوزتو الاپکۍ پاٹھۍ) گیونہ یوان۔ میہ ووٚن اتھ خاص طرزہ "ادا ” تاکہ گیونس تہ گیونس ہیکو فرق کٔرتھ۔ باقی گوٚو از کیا چھہِ أسۍ کران از کلکۍ گلوکار چھہِ نثرس تہِ سازس کھٲلتھ گیوان۔ ممکن چھہ ازکل ما آسن واکھن تہ شروکین تہِ چھکرِ کھالان۔ میہ چھہ نہ یتھ کتھہِ سیتۍ اتفاق ز ِوژن چھہ ہیتی طور واکھ چی توسیع، تکیازِ تمہ خاطرہ چھہ اسہِ ثابت کرُن زِ واکھ چھیہ بنیادی فارم۔ اسۍ ہیکو یہ ؤنتھ زِ یمن دۅن شعرہ ہیژن منز چھہ واریاہ ہشر۔ امہ قسمک ہشر چھہ غزلس تہ وژنس منز تہِ لبنہ یوان ۔ اچھا لفظ لے: لیہ نش اگر تہند مراد واکھک تہ وژنک وزن چھہ، بہ تہِ چھس یی ونان ز دوشونی منز چھہ ہیجلۍ وزن ورتاونہ آمت۔ اگر لیہ نش تہند مراد گیونک انداز چھہ، تتھ منز چھیہ یمن درمیان ٹاکارہ فرق۔ کمینٹ خاطرہ شکریہ۔ !

      پسند کریں

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ /  تبدیل کریں )

Connecting to %s