ہونس اچھ منز دوٚدمت ون
ینہ ذہنس بار کٔرتھ
مچھہِ ہنزِ پکھہِ پیٹھ تولکھ کوہ
گژھ آبس منز خوابن ہند پھۅکہ پھوٚل یرہ ناو
شاید آبہ تلچ کانہہ گاڈ دم دتھ والیس بۅن
آسنہ چی یٔڈ منز آسن ڈمبہِ لوٚگ
وقتکۍ نارن ہونس دۅشوے اچھ کرِ گلنار
اندرم تام شرۅکییس ٲخر
رۅنہِ آوازن نالۍ ہٹس ژھۅپہِ ہند کنڈۍ زال
ینہ رٲژ ہندس انرس منز ژنہِ ژٲرتھ
خۅفتہ پیمژ کانہہ زژ زیوراوکھ
رٲچھدرس گوٚو نستہِ اژتھ دٔہ
پانہ پھوٚرس پننے لشہ نار
زنہ گاشہ چہ زژِ دیت ٹکھ زلرن
ہونس اشۍ قظرن لج چھانگر
ینہ لفظہ چہ وۅڈِ تاپہ دۅہس منز معنی ژٲرتھ
ٹیس کڈکھ
پنہ پونپر بن تہ کھس اسمانس
تتہِ نے تگی تہ پکھ
ولمنہِ پلمنہِ
دۅشوے بالہ تینتٲلس وٲتتھ
لوسہ وٕنس اقتابس پرارو
موجودے موجود چھہ غیبے غیب
ونان کیہہ تام 
جواب دیں