منیب الرحمن
دوپمس دٔدۍ متہِ سینہ
ہتا میانہِ کینہ
شورس سیتۍ مہ گند
پانس سیتۍ کرہکھ خبر کٲتیا
بھسم
دوپنم بہ چھس گاش زالان
نورک آگر
ہے میانہِ نورٲنۍ انہِ گٹہِ
گاش ژھورتھ نہ زانہہ تہِ
گاشہ نیبر
یہ شورہ مشک ٲسکھہ
سبز کلین تلہ کنہِ
گننین جنگلن منز کھٹان
یہ مشک ووت
شہرن تام
ہے میانہِ تنبلیمژِ مژی
چانۍ ترشولن ہے والۍ
میٲنس اسمانس چھولۍ
گۆو ہے
گۆو ہے رتہ زول
ہے گۅسوانۍ تیمبری
متھ پانس سور
تہ بیہہ دم کٔرتھ
ونان کیہہ تام 
جواب دیں