تعارف

نہ چھہ تگان شعر ونن، نہ چھہ تگان افسانہ لیکھن، نہ چھہ تگان تنقید کرن۔ خبر بلاگ ما تگیم لیکھن۔ ادہ کیا  کروس  دسلابہ۔  (یہ بلاگ ووت ہتن پوسٹن قریب۔ کاشرِ زبانۍ منز چھہ یہ تاریخ ساز قدم۔ ویسے ونو اکھ کتھ۔ کاشرس منز یس تہِ قلم تلان چھہ تسند ناو چھہ "کاشر ادبک تواریخ” کتابہِ منز درج گژھان۔ میون تہِ چھہ۔ بلاگہ کنۍ نہ، باقی ژھرٹو کنۍ۔)

یودوے کانہہ کتھ پسند آے تہ پننس مضمونس منز ورتاونک ظۅن کٲنسہِ پیوو، میون حوالہ ہن دزیوس۔ تتھ پیٹھ تلہ نہ بہ کانہہ شور۔ میہ چھہ نہ پانہ حوالہ دینک کانہہ ضرورت تکیاز یم خیال چھہِ میہ اندرے وزان!

منیب الرحمن،  نیب رسالک موقدم۔